Gerîla TV kanala fermî ya weşana vîdyoyî ya HPG (Hêzên Parastina Gel) ye. Kanal çalakiyên gerîlayên Azadiya Kurdistanê, belgefilm, bîranînên şehîdan, bernameyên çandî û naverokên dîrokî ji nav çiyayan û ji qadên têkoşînê pêşkêş dike.

Hemû dîmenên ku li ser Malperê tên weşandin, rasterast li qada çalakiyê bi kamerayên gerîlayan hatine tomar kirin. Ji ber vê yekê, naverok ji çavkaniya xwe ya yekem tê pêşkêşkirin.

Gerîla TV bi arşîvkirin û parastina Qeydên kevn û hilberînên nû yên dîjîtal, bîra gerîla, jiyana wan, têkoşîn û peyamên wan ji bo nifşên îro û sibê diparêze. Weşana kanalê di serî de bi zimanê kurdî ye, û di demên pêwîst de bi zimanên din jî naverok hatiye amadekirin.

Armanca Gerîla TV ew e ku dîmen û belgeyên rast ji qada bûyeran berhev bike, bîra têkoşînê biparêze û naverokên orîjînal ji çavkaniyan bigihîne gel. Gerîla TV bi awayekî berdewam li ser hilberîn, belgekirin û weşandina naveroka orîjînal dixebite.